ನವದೆಹಲಿ: ಕೈಗಾರಿಕೋದ್ಯಮಿಗಳು ತಮ್ಮ ಉತ್ಪಾದನಾ ಘಟಕಗಳನ್ನು ಚೀನಾದಿಂದ ಭಾರತಕ್ಕೆ ಸ್ಥಳಾಂತರಿಸುವುದಾದರೆ ಸಬ್ಸಿಡಿ ಪಡೆಯಲು ಅರ್ಹರು ಎಂದು ಜಪಾನ್​ ಸರ್ಕಾರ ಘೋಷಿಸಿದೆ.

ಜಪಾನಿನ ಪೂರೈಕೆ ಜಾಲವನ್ನು ವಿಸ್ತರಿಸುವ ನಿಟ್ಟಿನಲ್ಲಿ ಈ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಅಲ್ಲಿನ ಸರ್ಕಾರ ತಿಳಿಸಿದೆ. ಒಂದು ದೇಶ ಅಥವಾ ಪ್ರಾಂತ್ಯದ ಮೇಲೆ ಹೆಚ್ಚಿನ ಅವಲಂಬನೆಯನ್ನು ತಪ್ಪಿಸುವ ನಿಟ್ಟಿನಲ್ಲಿ ಸಬ್ಸಿಡಿ ಯೋಜನೆಯನ್ನು ವಿಸ್ತರಿಸುತ್ತಿದೆ. ತುರ್ತು ಸಂದರ್ಭದಲ್ಲೂ ವೈದ್ಯಕೀಯ ಪೂರೈಕೆ ಹಾಗೂ ಎಲೆಕ್ಟ್ರಾನಿಕ್ಸ್​ ವಸ್ತುಗಳ ಬಿಡಿಭಾಗಗಳ ಸರಬರಾಜಿನಲ್ಲಿ ವ್ಯತ್ಯಯವಾಗದಂತೆ ನೋಡಿಕೊಳ್ಳುವುದು ಇದರ ಉದ್ದೇಶವಾಗಿದೆ ಎಂದು ಜಪಾನ್​ ಹೇಳಿದೆ.

ಏಷಿಯಾನ್​ ದೇಶಗಳಲ್ಲಿ ಉತ್ಪಾದನೆ ಚಟುವಟಿಕೆಗಳನ್ನು ಕೈಗೊಳ್ಳಲು ಜಪಾನ್​ ಸರ್ಕಾರ 2020ರ ಅವಧಿಗೆ 23.5 ಬಿಲಿಯನ್​ ಯೆನ್​ ಮೊತ್ತವನ್ನು ಸಬ್ಸಿಡಿ ನೀಡಲೆಂದೇ ತೆಗೆದಿರಿಸಿದೆ. ಸದ್ಯ ಜಪಾನ್​ ಕಂಪನಿಗಳು ಚೀನಾದಲ್ಲಿಯೇ ಹೆಚ್ಚು ಸಾಂದ್ರಿಕರಿಸಿವೆ. ಜತೆಗೆ ಕರೊನಾ ಸಂದರ್ಭದಲ್ಲಿ ಇಲ್ಲಿಂದ ಸರಬರಾಜು ನಿಂತು ಹೋಗಿತ್ತು. ಅಲ್ಲದೇ, ಇತರ ಸಂದರ್ಭಗಳಲ್ಲಿ ಇದು ಪೂರೈಕೆ ವ್ಯವಸ್ಥೆ ಮೇಲೆ ಭಾರಿ ಪರಿಣಾಮ ಬೀರಲಿದೆ. ಸದ್ಯ ಜಪಾನ್​ ಸರ್ಕಾರ 30 ಕಂಪನಿಗಳ ಅರ್ಜಿಗಳಿಗೆ ಒಪ್ಪಿಗೆ ನೀಡಿದ್ದು, 10 ಬಿಲಿಯನ್​ ಯೆನ್​ ಮೊತ್ತವನ್ನು ಸಬ್ಸಿಡಿಯಾಗಿ ನೀಡಿದೆ.

 

You Might Also Like

" data-numposts="10" data-width="">